Foydalanish shartlari

1. Xizmat haqida

DentaLab System — tish laboratoriyalari uchun bulutli boshqaruv tizimi. Xizmat obuna asosida taqdim etiladi: tizim har mijoz-laboratoriya uchun alohida sozlanadi va alohida ma'lumotlar bazasida ishlaydi.

2. To'lov shartlari

Birinchi yil narxi tizimni qurish, moslashtirish, ma'lumotlarni ko'chirish va treningni o'z ichiga oladi. Keyingi yillar — texnik hamrohlik va server xarajatlari. Narxlar AQSH dollarida belgilanadi, to'lov so'mda (joriy kurs bo'yicha), Click, Payme yoki naqd shaklda qabul qilinadi. To'langan davr uchun mablag' qaytarilmaydi, lekin xizmat davr oxirigacha to'liq ko'rsatiladi.

3. Mijoz ma'lumotlari

Laboratoriya tizimga kiritgan barcha ma'lumotlar (doktorlar, ishlar, moliya) laboratoriyaning mulki hisoblanadi. Shartnoma tugaganda mijoz o'z ma'lumotlarini to'liq eksport qilib olishi mumkin.

4. Xizmat darajasi

Tizim 24/7 rejimda ishlashga mo'ljallangan. Har kuni avtomatik zaxira nusxa olinadi. Rejalashtirilgan texnik ishlar oldindan xabar qilinadi va odatda tungi soatlarda o'tkaziladi.

5. Mas'uliyat chegarasi

Xizmat «boricha» taqdim etiladi. Internet-provayder uzilishlari, force-majeure holatlari va mijoz tomonidagi noto'g'ri foydalanish natijasida yuzaga kelgan zararlar uchun DentaLab javobgar emas.

6. O'zgartirishlar

Shartlar o'zgarganda mijozlar kamida 30 kun oldin xabardor qilinadi. Amaldagi obuna davri uchun narx o'zgarmaydi.